Орфос все тексты (слова) песен, переводы, видео, клипы

Вижу Тя на кресте распята, Иисусе, висяща.
Кая Тя сердца, ах, мой Боже, не восплачутся зряща.
На страшном позорище света
Умере тридесять три лета
За грехи всего мира.

Духъ Свой Отцу отославши, приклонил Тому главу,
И устранил тем на вся веки дьявольскую отраву,

Глас 3: Вся суета человеческая, / елика не пребывают по смерти; / не пребывает богатство, ни сшествует слава; / пришедшей бо смерти, сия вся потребишася. / Темже Христу безсмертному возопиим: / преставленнаго [или преставленную] от нас упокой, / идеже всех есть веселящихся жилище.

Глас 1: Кая житейская сладость / пребывает печали непричастна? / Кая ли слава стоит на земли непреложна? / Вся сени немощнейша, вся соний прелестнейша: / единем мгновением, и вся сия смерть приемлет. / Но во свете, Христе, лица Твоего / и в наслаждении Твоея красоты, / егоже [или юже] избрал еси, упокой, яко Человеколюбец.

Где есть мiрское пристрастие? / Где есть привременных мечтание? / Где есть злато и сребро? / Где есть рабов множество и молва? / Вся персть, вся пепел, вся сень. / Но приидите возопиим безсмертному Царю: / Господи, вечных Твоих благ сподоби преставльшагося от нас, / упокояя его в нестареющемся блаженстве Твоем.

По образу Твоему и по подобию создавый в начале человека, / в раи поставил еси владети Твоими тварьми; / завистию же диаволею прельстився, снеди причастися, / заповедей Твоих преступник быв. / Темже паки в землю, от неяже взят бысть, / осудил еси возвратитися, Господи, / и испросити упокоение.

Глас 6: Начаток мне и состав зиждительное Твое бысть повеление: / восхотев бо от невидимаго же и видимаго жива мя составити естества. / От земли тело мое создал еси, / дал же ми еси душу / Божественным Твоим и животворящим вдохновением. / Темже, Христе, раба Твоего [или рабу Твою] во стране живущих, / и в селениих праведных упокой.

Глас 8: Плачу и рыдаю, / егда помышляю смерть, / и вижду во гробех лежащую / по образу Божию созданную нашу красоту, / безобразну, безславну, / не имущую вида. / О, чудесе / Что сие еже о нас бысть таинство? / Како предахомся тлению? / Како сопрягохомся смерти? / Воистинну Бога повелением, / якоже писано есть, / подающаго преставльшемуся [или преставльшейся] упокоение.

Кондак, глас 8-й: Со святыми упокой, Христе, душы раб Твоих, идеже несть болезнь, ни печаль, ни воздыхание, но жизнь безконечная.
Икос: Сам Един еси Безсмертный, сотворивый и создавый человека: земнии убо от земли создахомся, и в землю туюжде пойдем, якоже повелел еси, Создавый мя и рекий ми: яко земля еси и в землю отыдеши, аможе вси человецы пойдем, надгробное рыдание творяще песнь: аллилуиа, аллилуиа, аллилуиа.

Спасай надеющияся на тя, / Мати незаходимаго солнца, Богородительнице, / умоли молитвами Твоими преблагаго Бога / упокоити, молимся, ныне преставльшагося [или ныне преставльшуюся], / идеже упокоеваются праведных дуси, / Божественных благ наследника покажи, / во дворех праведных, / в память, Всенепорочная, вечную.

Спасай надеющыяся на Тя, / Мати Незаходимаго Солнца, Богородительнице: / умоли молитвами Твоими Преблагаго Бога / упокоити, молимся, ныне преставльшагося, / идеже упокоева́ются праведных ду́си: / божественных благ наследника покажи, / во дво́рех праведных, / / в память, Всенепорочная, вечную.