Певческая Школа все тексты (слова) песен, переводы, видео, клипы

Песнь 5: Ужасошася всяческая о божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.

Песнь 8: Отроки благочестивыя в пещи Рождество Богородичо спасло есть; тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

Песнь 9: Всяк земнородный да взыграется, Духом просвещаемь, да торжествует же безплотных Умов естество, почитающее священное торжество Богоматере, и да вопиет: радуйся, Всеблаженная, Богородице, чистая Приснодево.

5 сентября. Перенесение мощей блгвв. кн. Петра, в иночестве Давида, и кн. Февронии, в иночестве Евфросинии, Муромских чудотворцев (1992)

НА УТРЕНИ

Конда́к, гла́с 8:

Ми́ра сего́ княже́ние, и сла́ву вре́менну помышля́я, / сего́ ра́ди благоче́стно в ми́ре пожи́л еси́, Пе́тре, / ку́пно и с супру́жницею твое́ю прему́дрою Февро́ниею, / ми́лостынею и моли́твами Бо́гу угоди́вше. / Те́мже и по сме́рти неразлу́чно во гро́бе лежа́ще, / исцеле́ние неви́димо подава́ете: и ны́не Христу́ моли́теся, // сохрани́ти гра́д же и лю́ди, и́же ва́с сла́вящих.

ВЕЛИКИЙ КАНОН АНДРЕЯ КРИТСКОГО

В ПОНЕДЕЛЬНИК

НА ВЕЛИКОМ ПОВЕЧЕРИИ

Глас 6. Песнь 1:

Канон Воздвижению Честнаго и Животворящего Креста Господня Г л а с 8

Песнь 1: Крест начерта́в, Моисе́й / впря́мо жезло́м Чермно́е пресече́, / Изра́илю пешеходя́щу; / то́же обра́тно фарао́новым колесни́цам, / уда́рив, совокупи́, / вопреки́ написа́в непобеди́мое ору́жие. / Тем Христу́ пои́м, Бо́гу на́шему, я́ко просла́вися.

- 9 ноября - Пресвято́й Богоро́дице ра́ди Ея́ ико́ны Скоропослу́шница.

В НЕДЕЛЮ НА УТРЕНИ.

К Богоро́дице притеце́м, су́щии в беда́х, / и святе́й ико́не Ея́ ны́не припаде́м, / с ве́рою зову́ще из глубины́ души́: / ско́ро на́ше услы́ши моле́ние, Де́во, / я́ко Скоропослу́шница наре́кшаяся. / Тебе́ бо раби́ Твои́ // в ну́ждах гото́вую Помо́щницу и́мамы

ЕДЕЛЯ АНТИПАСХИ СВЯТОГО АПОСТОЛА ФОМЫ

НА ВЕЛИКОЙ ВЕЧЕРНЕ

1. Стихиры самогласны, Новыя Недели, глас 1:

Изведи из темницы душу мою, // исповедатися имени Твоему.
Две́рем заключе́нным, / ученико́м собра́нным, / вшел еси́ внеза́пу всеси́льне Иису́се Бо́же наш, / и став посреде́ их мир дав, /испо́лнил еси́ Свята́го Ду́ха: / жда́ти же повеле́л еси́, / и ника́коже разлуча́тися от Иерусали́ма, / до́ндеже облеку́тся е́же с высоты́ си́лою. / Те́мже вопие́м Ти: // просвеще́ние и Воскресе́ние и ми́ре наш, сла́ва Тебе́.

НЕДЕЛЯ АНТИПАСХИ СВЯТОГО АПОСТОЛА ФОМЫ

НА УТРЕНИ

4. На хвалитех стихиры, глас 1:

Хвалите Его на силах Его, // хвалите Его по множеству величествия Его.
По е́же из гро́ба Твое́м стра́шном, Жизнода́вче, воста́нии, / я́коже печа́тей не разруши́л еси́, Христе́, гро́бных, / та́ко заключе́нным две́рем вшел еси́ к пресла́вным апо́столом Твои́м, / радостотворя́ их, и Пра́вый Твой Дух подая́ им, // за безме́рную Твою́ ми́лость.

Воскресные Ексапостиларии и Евангельские утренние стихиры

ЕВАНГЕЛИЕ УТРЕННЕЕ 11

Утренняя стихира, глас 8:

Являя Себе учеником Твоим, Спасе, по воскресении / Симону дал еси овец паству, за любве воздаяние, / яже о пастве попечения ищя. / Темже и глаголал еси: / аще любиши Мя, Петре, / паси агнцы Моя, паси овцы Моя. / Он же абие показуя друголюбное, / о друзем ученице вопрошаше. / Ихже молитвами, Христе, // стадо Твое сохраняй, от волков губящих е.

Воскресные Ексапостиларии и Евангельские утренние стихиры

ЕВАНГЕЛИЕ УТРЕННЕЕ 4

Утренняя стихира, глас 4:

Утро бе глубоко, / и жены приидоша на гроб Твой, Христе, / но Тело не обретеся желаемое ими. / Темже недоумевающимся, / иже в ризах блещащихся представшии глаголаху: / что живаго с мертвыми ищете; / воста, якоже предрече, / что не помните глагол Его? / Имже веровавша, виденная проповедаху, / но мняхуся лжа благовещения: / тако быша еще косни ученицы. / Но Петр тече, и видев // прослави Твоя в себе чудеса.

Воскресные Ексапостиларии и Евангельские утренние стихиры

ЕВАНГЕЛИЕ УТРЕННЕЕ 5

Утренняя стихира, глас 5:
О премудрых судеб Твоих, Христе! / Како Петру убо плащаницами единеми, / дал еси разумети Твое воскресение, / Луце же и Клеопе спутешествуя, беседовал еси, / и беседуяй не абие себе являеши? / Темже и поносимь бываеши, / яко един пришельствуяй во Иерусалим, / и не причащаяйся в конец совета их. / Но Иже вся к создания пользе строя, / и яже о Тебе пророчествия открыл еси, / и внегда благословити хлеб, познался еси им, / ихже и прежде того сердца к познанию Твоему распаластася, / иже и учеником собранным уже ясно проповедаста Твое воскресение, // имже помилуй нас.

Воскресные Ексапостиларии и Евангельские утренние стихиры

ЕВАНГЕЛИЕ УТРЕННЕЕ 7

Утренняя стихира, глас 7:

Се тьма, и рано, / и что у гроба, Марие, стоиши, / многую тьму имеющи в разуме, / в нейже, где положен бысть вопрошаеши, Иисус? / Но виждь срищущася ученики, / како плащаницами и сударем воскресение обретоша, / и помянуша яже о сих Писания. / С нимиже и имиже и мы веровавше, // воспеваем Тя жизнодавца Христа.

Воскресные Ексапостиларии и Евангельские утренние стихиры

ЕВАНГЕЛИЕ УТРЕННЕЕ 8

Утренняя стихира, глас 8.

Мариины слезы не всуе проливаются тепле, / се бо сподобися и учащих Ангелов, и видения Самого Иисуса. / Но еще земная мудрствует, / яко жена немощная: / темже и отсылается не прикасатися Христу. / Но обаче проповедница посылается Твоим учеником, / имже благовествование носящи, / еже ко Отеческому жребию восход возвещающи. // С неюже сподоби и нас явления Твоего, Владыко Господи.

РОЖДЕСТВО ХРИСТОВО

НА ЛИТУРГИИ

Задостойник

Велича́й, душе́ моя́, / Честне́йшую и Сла́внейшую Го́рних во́инств, Де́ву Пречи́стую, Богоро́дицу.
Ирмос: Люби́ти у́бо нам, я́ко безбе́дное стра́хом / удо́бее молча́ние, / любо́вию же, Де́во, / пе́сни тка́ти, спротяже́нно сложе́нныя, неудо́бно есть; / но и, Ма́ти, си́лу, ели́ко есть произволе́ние, даждь.

НЕДЕЛЯ О БЛУДНОМ СЫНЕ

В СУББОТУ ВЕЧЕРА

1. Слава, глас 2:

О коли́́ких благ окая́́нный себе́́ лиши́́х! / О какова́́ Ца́́рствия отпадо́́х стра́́стный аз! / Бога́́тство изнури́́в, е́́же прия́́х за́́поведь преступи́́х. / Увы́́ мне, стра́́стная душе́́! / Огню́́ ве́́чному про́́чее осу́́дишися. / Те́́мже пре́́жде конца́́ возопи́́й Христу́́ Бо́́гу / я́́ко блу́́днаго приими́́ мя сы́́на, Бо́́же, // и поми́́луй мя.

Октоих воскресный Глас 1

В СУББОТУ НА ВЕЛИЦЕЙ ВЕЧЕРНИ.

На стиховне стихиры воскресны, глас 1:

Страстию Твоею Христе, / от страстей свободихомся, / и воскресением Твоим из истления избавихомся, // Господи, слава Тебе.

Октоих воскресный Глас 5

В СУББОТУ НА ВЕЛИЦЕЙ ВЕЧЕРНИ.

На стиховне стихиры воскресны, глас 5:

Тебе, Воплощеннаго Спаса Христа, / и Небес неразлучившася, / во гласех пений величаем, / яко Крест и смерть приял еси за род наш, / яко Человеколюбец Господь, / испровергий адова врата, / тридневно воскресл еси, // спасая души наша.

Воскресение Твое, Христе Спасе, / Ангели поют на Небесех, / и нас на земли сподоби, / чистым сердцем / Тебе славити.

Стих: Господь воцарися, / в лепоту облечеся.
Врата сокрушив медная, / и вереи адовы сотрый, / яко Бог всесилен, / род человеческий падший воскресил еси. / Сего ради и мы согласно вопием: / Воскресый из мертвых, Господи, слава Тебе.

Стих: Ибо утверди вселенную, / яже не подвижется.
Тления нас древняго Христос исправити хотя, / на Кресте пригвождается, / и во гробе полагается. / Егоже мироносицы жены со слезами искаху, плачуща глаголаху: / увы нам, Спасе всех, / како изволил еси во гробе вселитися; / Вселивыйся же хотя, како украден был еси; / како преложился еси; / кое же место Твое Живоносное сокры Тело; / но, Владыко, яко обещался еси нам явися, / и утоли от нас рыдание слез. / Плачущимся же им, Ангел к ним возопи: / от плача преставша Апостолом рцыте, яко воскресе Господь, / мiрови даруя очищение и велию милость.

Октоих воскресный Глас 7

В СУББОТУ НА ВЕЛИЦЕЙ ВЕЧЕРНИ.

Hа стиховне, стихиpы воскpесны, глас 7:

Воскpесл еси из гpоба Спасе миpа, / и совоздвигл еси человеки с плотию Твоею: // Господи, слава Тебе.
Господь воцарися, / в лепоту облечеся.

БОГОРОДИЧНЫ ВОСКРЕСНЫЕ

В НЕДЕЛЮ НА УТРЕНИ.

И ныне, глас 2:
Преблагословена еси, Богородице Дево, / Воплощшим бо ся из Тебе ад пленися, / Адам воззвася, / клятва потребися, / Ева свободися, / смерть умертвися, и мы ожихом. / Тем воспевающе вопием: / благословен Христос Бог, / благоволивый тако, слава Тебе.

СТРАСТНАЯ СЕДМИЦА

ВО СВЯТОЙ И ВЕЛИКИЙ ЧЕТВЕРГ

НА УТРЕНИ (ЧЕТВЕРГ ВЕЧЕР)

Слава страстем Твоим, Господи.

ВОЗДВИЖЕНИЕ КРЕСТА

НА ВЕЛИЦЕЙ ВЕЧЕРНИ

Стихиры, глас 6, Подобен: Все отло́жше:

Из глубины воззвах к Тебе, Господи, / Господи, услыши глас мой.
Крест воздвиза́емь / на нем Вознесе́ннаго Страсть пречи́стую / пе́ти повелева́ет тва́ри всей. / На том бо уби́в нас уби́вшаго, / умерщвлéнныя оживи́л eсть, / и удобри́, и на Небесе́х жи́ти сподо́би, я́ко Милосе́рд, / премно́жеством бла́гости. / Тем, ра́дующеся, вознесе́м и́мя Eго́ / и Того́ возвели́чим кра́йнее снизхожде́ние.

Тропарь Преображению Господню ГЛАС 7

Преобрази́лся еси́ на горе́, Христе́ Бо́же, / показа́вый ученико́м Твои́м сла́ву Твою́, / я́коже можа́ху, / да возсия́ет и нам, гре́шным, / Свет Твой присносу́щный / моли́твами Богоро́дицы, / Светода́вче, сла́ва Тебе́

Рождество Богородицы 8 сентября

Рождество́ Твое,́ Богоро́дице Де́во, / ра́дость возвести́ всей вселе́нней: / из Тебе́ бо возсия́ Со́лнце Пра́вды, Христо́с Бог наш, / и, разруши́в кля́тву, даде́ благослове́ние, // и, упраздни́в смерть, дарова́ нам живо́т ве́чный. (3)