Guillaume IX d'Aquitaine все тексты (слова) песен, переводы, видео, клипы

Ab la douzor del temps novel
Fueillon li bosc, e li auzel
Chanton chascus en lor lati,
Segon lo vers del novel chan:
Adonc esta ben q'on s'aizi
De zo dont hom a plus talan.
De lai don plus m'es bon e bel
No-m ve messatger ni sagel,

Ben vuelh que sapchon li pluzor
D'un vers, si-s de bona color
Qu'ieu ai trag de mon obrador,
Qu'ieu port d'ayselh mestier la flor,
Et es vertatz,
E puesc en trair lo vers auctor,
Quant er lassatz.
Eu conosc ben sen e folor,

Compagno, non puesc mudar qu'eo no m'effrei
De novellas qu'ai auzidas et que vei:
Qu'una domna s'es clamada de sos gardadors a mei.
E diz que non volo prendre dreit ni lei,
Ans la teno esserrada quada trei:
Tant l'us no-ill larga l'estaca que l'altre plus no la-ill plei.
Et aquill fan entre lor aital agrei:
L'us es compains gens a foc mandacarrei,

Companho, farai un vers qu'er covinen,
Et aura-i mais de foudatz no-y a de sen,
Et er totz mesclatz d'amor e de joy e de joven.
E tenguatz lo per vilan qui no-l enten,
O dins son cor voluntiers non l'apren:
Greu partir si fai d'amor qui la troba a talen.
Dos cavalhs ai a ma sselha, ben e gen,
Bon son et adreg per armas e valen,

Companho, tant ai agutz d'avols conres
Qu'ieu non puesc mudar no-n chan e que no-m pes;
Enpero no vueill c'om sapcha mon afar de maintas res.
E dirai vos m'entendensa, de que es:
No m'azauta cons gardatz ni gorcs ses peis,
Ni gabars de malvatz homes com de lor faitz non agues.
Senher Dieus, quez es del mon capdels e reis,
Qui anc premier gardet con, com non esteis

Farai chansoneta nueva,
Ans que vent ni gel ni plueva:
Ma dona m'assaya e-m prueva,
Quossi de qual guiza l'am;
E ja per plag que m'en mueva
No-m solvera de son liam.
Qu'ans mi rent a lieys e-m liure,
Qu'en sa carta-m pot escriure.

Farai un vers, pos mi sonelh,
E-m vauc e m'estauc al solelh.
Donnas i a de mal conselh,
Et sai dir cals:
Cellas c'amor de cavalier tornon a mals.
Donna no fai pechat mortal
Que ama cavalier leal;
Mas s'ama monge o clergal

Molt jauzions mi prenc en amar
Un joi don plus mi vueill aizir;
E pos en joi vueill revertir,
Ben dei, si puesc, al meils anar,
Quar meillor n'am, estiers cujar,
C'om puesca vezer ni auzir.
Eu, so sabetz, no-m dei gabar
Ni de grans laus no-m sai formir;

Pos de chantar m'es pres talenz,
Farai un vers, don sui dolenz:
Mais non serai obedienz
En Peitau ni en Lemozi.
Qu'era m'en irai en eisil:
En gran paor, en gran peril,
En guerra, laisserai mon fil,
Faran li mal siei vezi.