Знаменное пение все тексты (слова) песен, переводы, видео, клипы

Во царствии Твоем помяни нас, Господи,
егда приидеши во Царствии Твоем.

Блажени нищии духом, яко тех есть царство небесное.
Блажени плачущии, яко тии утешатся.
Блажени кротции, яко тии наследят землю.
Блажени алчущии и жаждущии правды, яко тии насытятся.
Блажени милостивии, яко тии помиловани будут.

Приидите, вси языцы, благословенному Древу поклонимся, имже бысть вечная правда: праoтца бо Адама прельстивый древом, Крестом прельщается, и падает низвержен падением странным, мучительством одержавый царское здание. Кровию Божиею яд змиев отмывается, и клятва разрушися осуждения праведнаго, неправедным судом Праведнику осуждену бывшу: Древом бо подобаше древо исцелити, и страстию Безстрастнаго, яже на Древе, разрешити страсти осужденнаго, но слава, Христе Царю, eже о нас Твоему мудрому смотрению, имже спасл eси всех, яко Благ и Человеколюбец.

Съ нами Богъ! Разумѣйте, языцы, и покаряйтеся, яко съ нами Богъ.
(повторяютъ - яко съ нами Богъ).
Услышите до послѣднихъ земли.
Яко съ нами Богъ.
Могущии, покаряйтеся.
Яко съ нами Богъ.
Аще бо паки возможете, и паки побеждени будете.
Яко съ нами Богъ.