Успение Пресвятой Богородицы все тексты (слова) песен, переводы, видео, клипы

Хор Московского Сретенского монастыря

Задостойник
глас 1

Ангели, Успение Пречистыя видевше, удивишася, како Дева восходит от земли на Небо.

Побеждаются естества уставы, в Тебе, Дево Чистая: девствует бо Рождество, и живот предобручает смерть: по Рождестве Дева, и по смерти жива, спасаеши присно, Богородице, наследие Твое.

Читаются три паремии Богородицы. 1-я - видение патриархом Иаковом таинственной лестницы (Быт. 28:11-17), 2-я - видение пророком Иезекиилем затворенной восточной двери храма (Иез. 43:27-44:4), 3-я - дом и трапеза Премудрости (Притч. 9:1-11).

Хор Московского Сретенского монастыря

Стихира по 50-м псалме
глас 6

Византиево:

Егда преставление пречистаго Твоего тела готовляшеся, тогда ангели обстояще одр, с трепетом зряху Тя: и ови убо взирающе на тело, ужасом одержими бяху, Петр же со слезами вопияше Ти: о Дево, вижду Тя ясно, простерту просту, живота всех, и удивляюся, в Нейже вселися будущия жизни Наслаждение. Но, о Пречистая, молися прилежно Сыну и Богу Твоему, спастися стаду Твоему невредиму.

Хор Московского Сретенского монастыря

На стиховне

глас 4

Приидите, воспоим, людие, Пресвятую Деву Чистую, из Неяже неизреченно пройде, воплощшееся Слово Отчее, зовуще и глаголюще: благословена Ты в женах: блаженно чрево, вместившее Христа: Того святым рукам душу предавши, молися, Пречистая, спастися душам нашым.

В рождестве девство сохранила еси, / во успении мира не оставила еси, Богородице: / преставилася еси к животу, Мати сущи Живота, / и молитвами Твоими избавляеши от смерти души наша.